Saman er me gode!
Det første NM for trial i historia vart arrangert av HSK i Øystese i 2014. No har det gått over 10 år sidan den dagen, og me skal arrangera det 10. NM i historia på KBT Trialarena i Norheimsund. Datoen er 25.-26.
Samtlege NM i eliteklassa har gått til HSK ved hjelp av Eirik Ulltang sine ni sigrar. Kan me klara 10/10.
Sjå nm.biketrial.no for program og påmelding.
Våren er her, og me har starta utetreningar på KBT Trialarena i Norheimsund.
Treningstidene er mandag og torsdag kl. 18:10-19:15. Me følgjer skuleruta.
Det er gratis å prøva to gonger, inkl. lånesykkel. Deretter må ein vera medlem (frå kr. 150/år) og betala treningsavgift (kr. 900/sesong). Leige av sykkel kostar kr. 50 pr. gong. Fritidskortet kan brukast.
Ansvarleg trenar er Eirik Ulltang. Tlf. 97022728.
Me har fått eigen innehall (i Steinsdalen), og har treningar to gongar i veka. Treningane er delt inn i to gruppar, fordi innehallen ikkje er stor nok til at alle kan vere der samstundes. Ein vel gruppe valfritt, så lenge det er ledig kapasitet.
Mandagar kl. 17:50-18:40 og 18:50 til 19:40
Torsdagar kl. 17:50-18:40 og 18:50 til 19:40
Ønsker du å vera med på innetreningane, ta kontakt med Eirik på tlf. 97022728. Ingen oppmøte utan avtale.
Treningane på KBT Trialarena har starta opp att etter sommarferien.
Treningstidene er kvar tysdag og torsdag kl. 18:00 til 19:00. Me følgjer skuleruta.
Meir informasjon på Trialsidene våre.
Det var NM TRIAL 2018 i Tomter i Østfold i helga. Dette er første gong at NM ikkje har vore arrangert av Hardanger Sykkelklubb, men likevel gjorde HSK nærmast reint bort. Eirik Ulltang vann NC 1 på laurdagen, og gjorde det same på sundagen, då det vart arrangert NM (og NC 2). Dette er Ulltang sin femte strake NM-tittel (det har kun vore fem NM i trial). Knut Fosse fekk ein litt trå start med fjerdeplass på NC 1, men kom sterkt tilbake på sundagen, og tok tredjeplassen i eliteklassen i NM. Det deltok ingen andre utøvarar frå HSK i meisterskapen.
Ulltang leiar dermed noregscupen samanlagt, og truleg vinn han denne i år òg, fordi det ikkje vil verta arrangert fleire ritt i 2018. Hardanger SK og KBT kjem truleg tilbake på arrangørsida i 2019.
PS: Hugs det er faste treningar på grusbanen i Norheimsund kvar torsdag kl. 17. Nye utlånssyklar er i posten, og kjem i bruk seinast 6. september.
Faste treningar startar opp i veke 33, med oppmøte kl. 17:00 kvar torsdag. Håpar flest mogleg gamle og nye trialsyklistar møter opp.
Trenarar vil vera Knut Fosse og Bernt Kristiansen. Ellers er det lurt å følgje med på trialgruppa sine Facebooksider for meir info: facebook.com/kvambiketrial
NM Trial 2017 og NC 3 nærmar seg. Her kjem viktig info.
Invitasjonen til NM Trial og NC 3: Invitasjon-NM-2017
Påmelding skjer elektronisk via nm.biketrial.no.
Siste nytt: Sparebanken Vest satsar på Vestlandet, og dei beviser dette med at dei går inn som hovudsponsor av arrangementet.
Trialtreningane på KBT Trialarena har starta opp. Fast tidspunkt er onsdagar kl. 17:00. Alle nye og gamle medlemmer er velkomne!
Me har tre utlånssyklar for dei som vil prøve biketrial. Gje beskjed til Knut Fosse på ein sms før trening om du vil prøva (tlf: 95467690).
Sjå elles Facebooksidene til trialgruppa for oppdateringar om treningar og liknande: facebook.com/kvambiketrial/
NM Trial vert for fjerde gong arrangert av Hardanger SK i 2017. Datoen for arrangementet er 24. juni, og vil vera på KBT Trialarena i Norheimsund, ved grusbanen til NFK. NM vil samstundes ha status som NC-ritt, og me forventar at deltakarar frå heile landet kjem.
Invitasjon og meir informasjon kjem seinare.
I tillegg til NM, vil det verta arrangert ein sommarleir for trialsyklistar, kalla Fjordtrial, i Norheimsund frå 10.-13. august. Her kan alle som er interessert i trialsykling, uansett alder, ambisjonar, nivå eller erfaring delta. Sjå meir på fjordtrial.no.
Forbundsstyret har tildelt NM Trial 2014 til Hardanger Sykkelklubb.
På sykkeltinget i februar vart det vedtatt at Trial får offisielt Noregsmeisterskap. Hardanger Sykkelklubb vil derfor arrangere det første NM i Trial i historia. Meisterskapet vert arrangert 25. mai i Øystese, ved Kvam Ungdomsskule. 24. mai vil det i tillegg verta arrangert Noregscup.
Kontaktperson for ritta er Eirik Ulltang.